Ижийгээ би зүүдэллээ

    Ижийгээ би зүүдэллээ.

Урд шөнө би ижийгээ зүүдлээ

Урд өмнө нь зүүдлэж байсангүй

Өгөөмөр ижий минь наддаа

Өөрийнх эрхгүй туслалаа

 Америк  нутагт нутгаасаа хол

Амьдарч буй миний бие

Аль болох чадах чинээгээрээ

Ариун ёсоо хүндэтгэн

Цагаан сараа тэмдэглэх гэж

Цагаа, идээгээ бэлдэнэ

Ижий минь наддаа боовны гурлыг

Ингэж хийж зуурдаг юм гэж үзүүлж байх юм

Элбэрэлт ижийнхээ үзүүлснээр

Ид шидэнд орсон юм шиг

Илдүүрээ барин боов боорцогоо хийлээ

Үнэхээр сайхан байна

Үлэмж төгөлдөр амтай байна

С.Үзмээ