Үзэсгэлэнт эх дэлхий мини уу
Тэнгэр арилаж нар ивээн
Агаар мандал саруулхан
Яргуй нүдлэж модод нахиалан
Жигүүртэн ганганаж баясан
Амгалан нойрсон амьтад сэрч
Энэ дэлхий хаврын гоёлоор
Гангарах нь яасан сайхан үзэсгэлэнтэй еэ
Хур бороогоор шившин ундаалж
Нар илчээ хайрлан цацрагаа илгээн
Хангай нурууд хөхрөн ногоорч
Гоёмсог цэцэгс найган бүжин
Ан амьтад ойн хөвчид наадан
Энэ дэлхий зуны гоёлоор
Гангарах нь яасан сайхан үзэсгэлэнтэй еэ
Саруул шөнө одод гялалзан
Уяхан салхины аялгуу бүүвэйлэн сэрчигнэн
Ой шугуй талыг үймцэн
Моддын навчих эрдэнэсийн сан шиг
Уулс нурууг чимнэ
Энэ дэлхий намрын гоёлоор
Гангарах нь яасан сайхан үзэсгэлэнтэй еэ
Шувуудын жиргээ татран
Нар хүүшлэн тэнгэр цайвалзан
Амьтас тайван дугжран
Далай тэнгис толидон гол мөрөн болортон
Газар нутаг цасан хучилаа нөмөрнө
Энэ дэлхий өвлийн гоёлоор
Гангарах нь яасан сайхан үзэсгэлэнтэй еэ
Огторгуйн гүнээс оддын орчилонгоос
Хөхрөн харагдах үзэсгэлэнт гоо эх дэлхий мини уу
С. Үзмээ 03.12.2021
